ДУШАНБЕ, 22 июл — Sputnik. Сафири Тоҷикистон Мирзошариф Ҷалолов рӯзи 18 июл аз Донишгоҳи Акитаи Ҷопон боздид намуда, бо президенти он профессор Фумио Ямамото мулоқот кардааст.
Дар ин бора Вазорати корҳои хориҷии тоҷикистон хабар медиҳад.
Гуфта мешавад, ки дар мулоқот бо профессор Фумио Ямамото ҷонибҳо имконияти ба роҳ мондани робитаҳои мустақим бо донишгоҳҳои Ҷумҳурии Тоҷикистон ва мубодилаи донишҷӯён ва олимони ҷавонро баррасӣ намуданд.
Табибони Хатлон дар Ҷопон таҷрибаомӯзӣ карданд
Пас аз мулоқот сафир дар назди ҳайати муҳаққиқону донишҷӯёни донишгоҳ бо маърӯза дар мавзӯи "Сиёсати хориҷии дарҳои кушодаи Ҷумҳурии Тоҷикистон ва робитаҳои дипломатии кишвар бо Япония” суханронӣ кардааст.
Қаноатмандии раиси палатаи поёнии Парлумони Ҷопон аз ҳамкориҳо бо Тоҷикистон
Пештар хабар дода шуд, ки Ҳукумати Тоҷикистон ва Ҷопон созишномаи грантиро ба имзо расониданд, ки тибқи он ҷониби Тоҷикистон аз кишвари Ҷопон 90 адад мошини ёрии таъҷилиро ба маблағи 7 миллион доллар дарёфт мекунад.