ДУШАНБЕ, 2 июл — Sputnik. Кормандони милитсияи Тоҷикистон дар ноҳияи Кӯшониён зани 29-соларо дар дуздии 3 ҳазор сомонӣ ва 100 ҳахзор рубли русӣ гумонбар дониста, боздошт намуданд, иттилоъ додааст дафтари матбуоти ВУД Тоҷикистон.
Бино бар иттилои манбаъ, кормандони милитсия зани 34-солаи сокини ҷамоати шаҳраки Бӯстонқалъаи ноҳияи Кӯшониён, муроҷиат намудааст, ки 25-уми майи соли равон, шахси номаълум бо роҳи пинҳонӣ ба хонаи истиқоматиаш даромада, аз дохили сандуқ се ҳазор сомонӣ ва 100 ҳазор рубли русиро дуздида, аз ҷойи ҳодиса ғайб задааст.
Боздошти зани 30-сола бо иттиҳоми дуздӣ дар ноҳияи Шаҳритус
Тавре манбаъ зикр намудааст, аз ҷониби кормандони милитсия зани 29-солаи сокини ноҳияи мазкур ҳамчун гумонбар дар содир кардани ҷинояти дуздӣ боздошт шудааст.
Боздошти зани 36-солаи сокини Дарвоз ба иттиҳоми дуздӣ дар Корвон
Дар ҳоли ҳозир кормандони милитсияи Тоҷикистон нисбати ҳодисаи мазкур тафтишотро идома доранд.