ДУШАНБЕ, 25 июн — Sputnik. Як сокини Мозамбика Тилек-Салвадор модарашро танҳо пас аз 24 соли ҷудоӣ пайдо кард.
Қиссаи аҷибро Sputnik Қирғизистон чунин оғоз мекунад: охири солҳои 80-ум марде аз Ангола барои таҳсил ба шаҳри Фрунзеи Қирғизистон меравад ва дар он ҷо бо духтари кару лоле шинос шуда, ошиқи духтар мегардад.
Онҳо хонадор мешаванд. Ба нахустписарашон номи қирғизӣ - Тилек ва бахшида ба падараш Салвадор мемонанд.
Пас аз соли хонадоршавӣ мард ба духтари қирғиз пешниҳод мекунад, ки ӯро ба ватанаш барад. Аммо зан розӣ намешавад.
Ҳамин тавр, хонаводаи ҷавон ба хулоса меоянд, ки падар писарашро гирифта, ба Ангола меравад ва баъди чор сол ё ба Фрунзе бармегардад ё зан ба назди писару шавҳараш меравад.
Аммо ошиқи духтари қирғиз дар ватанаш бори дувум хонадор мешавад ва писарашро ба парасдории хоҳараш ба Мозамбик мефиристад.
Тилек доим орзу мекард, ки модарашро пайдо кунад. Пас аз 24 сол ин орзуи писарак ҷомаи амал пӯшидааст.