ДУШАНБЕ, 11 июн — Sputnik. Имрӯз бинобар сабаби гузаронидани корҳои таъмирӣ дар як қисми кӯчаҳои ноҳияҳои пойтахт қувваи барқ муваққатан, аз соати 09:00 то 16:00 қатъ карда мешавад.
Тибқи иттилои Шабакаҳои барқии шаҳри Душанбе, имрӯз дар Маҳаллаҳои Деҳнавак, Дашти Хорзо, Ҷангалак, Навободи ноҳияи Исмоили Сомонӣ, Маҳаллаҳои Каротегинский, Охтак, Бустони ноҳияи Шоҳмансур, кучаҳои 1-уми май, Яккатут, Машъал, Қаҳҳоров ноҳияи Фирдавсӣ, кӯчаҳои кӯчаҳои Ҷаббор Расулов, маҳаллаҳои Авғоно, Чортут, Арбобхотун, Зарафшон-2, Пахтакор, Обчакорон ноҳияи Сино қувваи барқ хомӯш карда мешавад.
Тавре манбаъ зикр намудааст, вобаста ба ҳаҷми корҳои таъмирию профилактикӣ дар баъзе мавридҳо қувваи барқ пеш аз муҳлати нишондодашуда пайваст карда мешавад.
Дар ҳамин ҳол, манбаъ ёдрас шудааст, ки маҳдудияти неруи барқ муваққатӣ буда, сабаби он таъмири таҷҳизоти энергетикӣ, хатҳои калони интиқоли барқ ва санҷиши ҳолати коршоямии онҳо мебошад.