Дар мусобиқаи бадансозии Осиё - 2019 иштирокдорон аз шаш кишвар - Тоҷикистон, Афғонистон, Қазоқистон, Қирғизистон, Туркманистон ва Узбакистон иштирок карданд. Барои иштирок дар ин мусобиқа беш аз 150 иштирокчӣ дархост пешниҳод намудаанд.
Духтарони бадансоз дар бахшҳои ба истилоҳ "менс-физик", "фитнес-бикини", "вуменс-физик" ва ғайра сабқат намудаанд.
"Иштирокдорон доваронро на танҳо бо баданҳои варзишии олӣ, балки ба малакаи ҳунармандияшон ба ҳайрат гузоштаанд. Барои онҳо муҳим буд, ки баробари мушакҳо ҳунари нақшофарияшонро намоиш диҳанд", - гузориш додааст Sputnik.
Ҷоизаҳо дар шаш бахш миёни ҷавонон ва калонсолон тақдим гардиданд. Дар анҷоми мусобиқаи қаҳрамонии Осиё - 2019 дар риштаи бадансозӣ доварон иштирокдоронро бо 35 медали тилло, 24 нуқра ва 19 биринҷӣ қадрдонӣ кардаанд.
Бадансозӣ, ё худ ба истилоҳ "бодибилдинг" бахши варзишиест, ки рушди мушакҳои бадан тавассути тамринҳои ҷисмонӣ ва истеъмоли ғизоҳои махсусро фаро мегирад.
Таваҷҷуҳ ба ин навъи варзиш охири асри XIX афзоиш ёфтааст, ки он замон ба ҳайси идеал тасвирҳои Юнони қадим ҳадаф гузошта мешуданд.