Дар шаҳри Қазон XI анҷумани иқтисодии байналмилалии “Русия –дунёи Ислом” баргузор гашта истодааст. Имсол зиёда аз 400 нафар аз 70 кишвари дунё дар ин чорабинӣ ҷамъ шудаанд. Иштироккунандагон дар баробари табодули назар баҳри ҳамкорӣ дар соҳаҳои тиҷорӣ, ҳамчунин ҷорӣ намудани имкониятҳои ҳамкорӣ дар риштаҳои илмию фарҳангӣ ва тандурустӣ гуфтушунид мекунанд.
Инчунин дар ҷараёни ин чорабинӣ намоиши либосҳои муди Modest Fashion Show дар назар аст.
Modest Fashion Show навъҳои гуногуни либосҳои исломӣ, фарҳанг ва зебогии исломро ба намоиш мегузорад.
Дар саҳнаи намоиши занони нимурён ва ё бо либосҳои кушода дида намешаванд. Либосҳое ба намоиш гузошта мешаванд, ки ҳамаи аъзои бадани занонро мепушонанд ва баҳри ҳифозати бадани занҳои мусалмон мебошанд.