ДУШАНБЕ, 27 апр — Sputnik. Муассисаи давлатии «Осорхонаи миллии Тоҷикистон» ба муносибати Рӯзи байналмилалии осорхонаҳо 18 майи соли равон барномаи анъанавии «Шабе дар Осорхона»-ро таҳти унвони «Осорхонаҳо ҳамчун марказҳои фарҳангӣ: ояндаи анъанаҳо» баргузор менамояд.
Иқдоми баргузории барномаи фарҳангию фароғатии «Шабе дар осорхона» бо мақсади ҷалби ҷомеаи шаҳрвандӣ ба таъриху фарҳанги мамлакат, боло бурдани ҳисси ватандӯстиву худшиносии миллӣ, бедор намудани ифтихори ватандорӣ дар ниҳоди насли наврас ва ҷавон равона гардидааст.
Дар доираи ин барнома ҳамчунин баргузории чорабиниҳои гуногуни фарҳангӣ-фароғатӣ ба нақша гирифта шудаааст.
Бояд гуфт, ки барномаи фарҳангию фароғатии «Шабе дар осорхона» яке аз иқдомҳои байналмилали осорхонаҳои ҷаҳон буда, он бори аввал дар Тоҷикистон пас аз ба истифода додани Осорхонаи миллии Тоҷикистон соли 2013 доир шуда буд.
Ёдовар мешавем, ки ҳамасола 18 май Рӯзи байналмилали осорхонаҳо (International Museum Day) ҷашн гирифта мешавад ва аз соли 1978 инҷониб 150 давлати ҷаҳон ин рӯзро таҷлил менамоянд.