ДУШАНБЕ, 17 апр — Sputnik. Дар ин бора Ашӯрбой Солеҳзода, ёвари раисиҷумҳури Тоҷикистон дар масоили иқтисодӣ зимни конфронси ҳамкориҳои байниминтақавии Тоҷикистону Русия иттилоъ дод.
Солеҳзода паёми Эмомалӣ Раҳмон, раисиҷумҳури Тоҷикистон ба иштирокдорони конфронсро қироат кард, ки дар он аз ҷумла мақоми махсуси Русия ба ҳайси шарики асосии тиҷорӣ таъкид шудааст.
Неъматулло Ҳикматуллозода, вазири рушди иқтисод ва савдои Тоҷикистон иттилоъ дод, ки беш аз 25 дарсади савдои хориҷии кишвар бо Русия сурат мегирад. Ӯ саҳми Русияро дар ҳаҷми умумии воридоти мол ба Тоҷикистон 30 дарсад гуфт.
Эмомалӣ Раҳмон, раисиҷумҳури Тоҷикистон 16 апрел бо сафари расмии дурӯза бо як ҳайати бузурги аъзои ҳукуматаш вориди Русия шуд.
Дар назар аст, ки имрӯз 17 апрел раисиҷумҳури Тоҷикистон бо ҳамтои русиягияш Владимир Путин мулоқот канад. Дар анҷоми мулоқот имзои як қатор санадҳо ба нақша гирифта шудааст.