ДУШАНБЕ, 16 апр - Sputnik. Имрӯз, 16 апрел баъди зӯҳр раисҷумҳури Тоҷикистон Эмомалӣ Раҳмон дар Маскав бо намояндагони диаспораи тоҷикон - донишҷӯёну муҳоҷирони тоҷик мулоқот мекунад, хабар медиҳад РИА Новости.
Бино бар иттилои манбаъ, кишвардори Тоҷикистон хостори мулоқот бо сарвазири Русия Дмитрий Медведев ва раиси Думаи давлатии Русия Валентина Матвиенко низ шудааст.
17 апрел мулоқоти сарони Русия ва Тоҷикистон - Владимир Путин ва Эмомалӣ Раҳмон дар назар аст. Ҷонибҳо муносибатҳои Тоҷикистону Русияро дар соҳаҳои гуногун баррасӣ хоҳанд кард.
Интизор меравад, дар натиҷаи мулоқоти раисҷумҳурон як даста санад ба имзо расад.