ДУШАНБЕ, 15 апр — Sputnik. Тибқи иттилои раёсати умури дохилии шаҳри Душанбе, ҳодиса шоми 12-уми апрел тахминан соати 17:50 дақиқа рух дод.
“Ронандаи автомашинаи тамғаи Волсваген-Голф, рақами қайди давлатиаш 1212 КО 01 Каримов Фаррух Набиевич соли таваллудаш 1991, истиқоматкунандаи шаҳри Душанбе, кӯчаи Ҷавонон, ҳангоми ҳаракат аз самти кӯчаи Шерозӣ ба самти кӯчаи Турсунзода, дар чорроҳаи Рӯдакӣ – Шоҳтемур аз ӯҳдаи идораи воситаи нақлиёт набаромада, ба чароғаки раҳнамо ва сутуни камераи мушоҳидавии канори роҳ бархӯрдааст”, - тавзеҳ дод РВУД дар Душанб.
Манбаъ афзуд, дар натиҷаи бархӯрд, ҳам воситаи нақлиёт ва ҳам чароғаки раҳнамою дурбинҳои мушоҳидавӣ шикаста, корношоям гардидаанд.
“Дар мавриди ин ҳодиса маводи лозима тартиб дода шуда, ҷиҳати маълум намудани сабабу омилҳои он таҳқиқ идома дорад”, - таъкид кард РВУД Душанбе.