ДУШАНБЕ, 5 апр — Sputnik. Хабаргузории Regnum иттилоъ додааст, ки дар Тоҷикистон ифтитоҳи агрегати дувуми нерӯгоҳи Роғун ба таъхир андохта шуд.
Ба истифода додани агрегат то мӯҳлати номуайян мавқуф гузошта шудааст.
Сабаби ин иқдоми масъулин маълум нест.
Ба иттилои хабаргузорӣ, дар нерӯгоҳ аз шарҳи қазия худдорӣ карданд.
Ёдрас мешавем, аввалин агрегати "Роғун" 16 ноябри соли 2018 ба истифода дода шуд.
Ба нақша гирифта шуда буд, ки агрегати навбатии нерӯгоҳ моҳи апрел ба кор медарояд.
Аввалҳои моҳи март хабар дода шуда, ки истеҳсоли барқ дар нерӯгоҳ муваққатан қатъ карда шуд. Сабаби он корҳои профилактикӣ гуфта мешавад. Он вақт, манбаи Sputnik Тоҷикистон гуфта буд, ки агрегати дувум моҳи апрел ба кор хоҳад даромад.