ДУШАНБЕ, 1 апр — Sputnik. Пайкорҷӯёни ҷунбиши тундгарои Толибон рӯзи гузашта шаҳристони Арганҷи Бадахшони Афғонистонро, ки ҳаммарзи Тоҷикистон аст, таҳти тасарруф дароварданд, иттилоъ додааст хабаргузории ТоҷикТА.
Манбаъ афзудааст, ки бино ба гузориши телевизиони Ariana News бо нақл аз ҳукумати маҳаллӣ, дар даргирии мусаллаҳона ба пайкорҷӯён, ки 20 соат тӯл кашид, 14 тан низомӣ ҷон бохтанд.
Толибон қисмате ба таслиҳоти низомиён, ки ақибнишинӣ карданд, даст ёфтанд.
Ёдовар мешавем, ки вақтҳои охир дар баробари ҷунбиши гуруҳи тундрави “Толибон” дар хоки Афғонистон гуруҳи террористии ДОИШ низ мавқеи худро мустаҳкам карда истодаанд.
Ҳукумати кунунии Афғонистон нисбати ин ҳама амалҳо мехоҳад чорандешӣ намояд.