ДУШАНБЕ, 25 мар — Sputnik. Сарояндаи амрикоӣ Ҷастин Картер зимни ба наворгирии намоҳанги наваш ба ҳалокат расид. Дар ин бора Fox News хабар медиҳад.
Қайд мешавад, ки овозхони 35-сола худ, тасодуфан ба сараш тир кушодааст. Ӯ таппончаро дар кисааш ҷо карда будааст.
Пас аз чанд дақиқае аз таппонча тир холӣ шудаасту овозхон дар ҷои ҳодиса ҳалок гардидааст.
Ҷастин Картер дар намуди жанрҳои кантри ва рок-н-ролл суруд месароид. Ӯ нақша дошт имсол дар даҳ иёлоти ИМА сафари ҳунарӣ дошта бошад.
Моҳи март Ҷастер Картер намоҳанги Love Affair-ро бароварда буд, ки миёни ҳаводоронаш маҳбубият пайдо кард. Ва чанде пеш бо ширкати Triple Threat Management шартномаи ҳамкорӣ имзо кард.
Мусиқашиносоне, ки бо Картер ҳамкорӣ доштанд, қайд мекунанд, ки ӯ ҳунарманди хуб буд ва агар умр вафо мекард, маъруф мешуд.