ДУШАНБЕ, 19 мар — Sputnik. Вазорати умури дохилаи Тоҷикистон аз ошкор шудани фоҳишахона дар шаҳри Душанбе хабар медиҳад. Ба иттилои манбаъ, зане ҷавоне ба ташкили он муттаҳам мешавад.
Ҳангоми гузаронидани чорабиниҳои оперативӣ-ҷустуҷӯӣ кормандони милитсия зани 38-солаи сокини шаҳри Душанберо бо гумони ташкил ё нигаҳдошти фоҳишахона дастгир намуданд.
Гуфта мешавад, "номбурда, 13-уми марти соли 2019, тахминан соати 20:30-дақиқа, хонаи муваққатан истиқоматиашро ба фоҳишахона табдил дода, барои алоқаи ҷинсӣ намудан ба шаҳрвандон: зани 47-сола ва марди 28-солаи сокинони пойтахт шароит муҳайё намуда, аз онҳо 300-сомонӣ мукофотпулӣ гирифтааст".
Тафтишоти қазия идома дорад.
Моҳҳои феврал ВУД аз ошкор шудани фоҳишахонаи дигар дар Душанбе хабар дода буд.
Ба иттилои манбаъ, ҷавони 19-солаи Душанбе даст ба ин ҷиноят зада, манзили ба иҷора гирифтаашро ба фоҳишахона ташкил дода буд.
Ӯ барои фароҳам овардани шароит барои муносибатҳои маҳрамона аз зану марди бегонае 200 сомонӣ рӯйинидааст.