ДУШАНБЕ, 20 фев — Sputnik. Кормандони милитсия зани 37-солаи сокини шаҳри Ҳисорро барои ташкил ё нигаҳдории фоҳишахона, даллагӣ ва ё занҷаллобӣ дастгир намуданд, иттилоъ додааст дафтари матбуоти ВУД Тоҷикистон.
Бино бар иттилои манбаъ, номбурда, рӯзи 11-уми феврали соли равон, тахминан соати 21:30-дақиқа, дар кӯчаи С.Айнии шаҳри Душанбе бо мақсади алоқаи ҷинсӣ намудан зани 30-солаи сокини кӯчаи Зарафшони пойтахт ва марди 31-солаи сокини шаҳри Ваҳдатро бо ҳам шинос намуда, аз онҳо 200-доллари амрикоӣ ҳамчун мукофотпулӣ гирифтааст.
Инчунин, кормандони милитсия зани 40-солаи зодаи шаҳри Панҷакентро, ки муваққатан истиқоматкунандаи шаҳри Гулистон, бо гумони ташкил ё нигаҳдошти фоҳишахона, даллагӣ ва ё занҷаллобӣ дастгир карда шуд.
Номбурда санаи 19-уми феврали соли равон бо мақсади алоқаи ҷинсӣ намудан, марди 23-солаи сокини шаҳри Гулистон ва зани 21-солаи сокини ноҳияи Б.Ғафуровро бо ҳам шинос намуда, аз онҳо 180-сомонӣ ҳамчун мукофотпулӣ гирифтааст.
Дар ҳоли ҳозир, кормандони милитсия аз рӯи ин ҳодисаҳои мазкур тафтишотро идома доранд.