ДУШАНБЕ, 17 фев — Sputnik. Дар остонаи ҷашни 26-умин солгарди таъсисёбии Қувваҳои Мусаллаҳои Тоҷикистон дар шаҳри Хуҷанд озмуни “Суруди сарбоз-2019” баргузор хоҳад шуд, иттилоъ додааст дафтари матбуоти шаҳри Хуҷанд.
Бино бар иттилои манбаъ, раиси шаҳри Хуҷанд Маъруф Муҳаммадзода ҷиҳати дар сатҳи баланд баргузор намудани озмуни мазкур ба масъулини дахлдор дастур додааст.
Манбаъ таъкид намудааст, ки ҳадаф аз баргузор намудани озмуни “Суруди сарбоз-2019” ин баланд бардоштани ҳисси ватандӯстию ватанпарастии ҷавонон, худогоҳии ҷавонону аскарон, ҳавасмандгардонии сарбозони қисмҳои низомӣ ва бо ҳамин васила дур намудани онҳо аз корҳои номатлуб мебошад.