ДУШАНБЕ, 28 янв — Sputnik. Вазири аддлияи Тоҷикистон имрӯз зимни нишасти хабарӣ дар Душанбе гуфтааст, грантҳоро 1 ҳазору 718 созмони ғайриҳукуматӣ гирифтаанд.
Ба ҳисоби ироакардаи вазир грантҳо бо асъори гуногун - тақрибан ба маблағи 58 миллион доллар, ҳудуди 8 миллион евро, 8 миллион рубл, 2,5 миллион фунт стерлинг, 6,5 миллион франки швейтсарӣ ва 78 миллион сомонӣ ироа шудаанд.
Рустам Шоҳмурод гуфт, грантҳоро асосан созмонҳое гирифтаанд, ки дар бахши ҳимояи ҳуқуқи инсон ва иҷтимоӣ фаъолият мекунанд.
Вазир теъдоди умумии созмонҳои ҷамъиятиро, ки феълан дар кишвар сабт шудаанд, беш аз 2,5 ҳазор адад гуфт.