ДУШАНБЕ, 22 янв — Sputnik. Тибқи иттилои Вазорати фарҳанги Тоҷикистон, 24 январ дар Театри давлатии таҷрибавии тамошобини наврас ба номи Муҳаммадҷон Қосимов, ё худ “Аҳорун” нахустнамоиши "Муҳоҷир аз Сайёраки Б-612" баргузор мегардад.
Ба иттилои Вазорати фарҳанг, намоиши мазкур, афсонае барои калонсолон буда, аз рӯйи асари машҳури Антуан де Сент Экзюперӣ - "Шоҳзодаи хурд" рӯи саҳна оварда шудааст.
Манбаъ афзуд, коргардони намоиш ҳунарпешаи шинохтаи тоҷик Сабоҳати Қосим ва оҳангсоз Далер Назаров мебошанд.