ДУШАНБЕ, 22 янв — Sputnik. Имрӯз, соати 09:33 бо вақти маҳаллӣ дар ҳудуди Тоҷикистон заминларза ба қайд гирифта шуд, иттилоъ додааст хабаргузории “Ховар” дар иқтибос ба президенти Академияи илмҳои Ҷумҳурии Тоҷикистон Фарҳод Раҳимӣ.
Бино бар иттилои манбаъ, дар Душанбе қувваи заминларза аз рӯи ҷадвали Рихтер 3-4 баллро ташкил дод.
“Маркази заминларза дар километри 10-уми самти шарқи Душанбе ҷойгир буд. Шиддатнокии заминларза дар маркази он 4 баллро ташкил дод”,- таъкид намудааст манбаъ.
Инчунин манбаъ ёдрас шудааст, ки ин аввалин заминҷунбӣ дар соли равон мебошад.