Дар Афғонистон ҳам барфи аввалро интизор мешаванд. Афғонҳо ҳатто як масал доранд, "Кобул бе тилло метавонад, бе барф - не".
Одатан барфи аввал дар Кобул охирҳои тирамоҳ - моҳи ноябр мерезад. Имсол бошад, танҳо бо фаро расидани соли нав барфи аввал ҳам рехт.
Боришоти зиёди ҳафта кӯдаконро шод кард: онҳо барфбозӣ мекарданду бобои барфӣ месохтанд ва яхмолакбозӣ менамуданд.
Бо далели он ки дар пойтахти Афғонистон муҳит чиркинтар аст, барф доим ҳавои тоза меорад.
Имсол дар шаҳр барфро бо шодии вижа пешвоз гирифтанд, зеро он ҳаворо тоза кард, ки рӯзҳои ахир чиркин буд.
Дар ин ҳафта ҳарорат рӯзона дар Кобул аз сифр поён мешавад, аз 9 то 6 дараҷа сардӣ дар назар аст.