ДУШАНБЕ, 25 дек – Sputnik. Дар шаҳри Хуҷанд дар арафаи Соли нави мелодӣ хатсайри нави рақами 7 ифтитоҳ шуд, иттилоъ додааст дафтари матбуоти ҳукумати вилояти Суғд.
Бино бар иттилои Корхонаи давлатии коммуналии “Нақлиёти мусофиркашони шаҳри Хуҷанд”, дар хатсайри нав 6 автобуси тамғаи “ЛИАЗ” аз маҳаллаи “Масҷиди сурх” то маҳалаи 34 ҳаракат мекунанд.
Ёдрас мешавем, ки ин ҳафтумин хатсайри нақлиёти ҷамъиятӣ буда, ҳамарӯза ба сокинони шаҳри Хуҷанд бештар аз 100 адад автобус хизмат мерасонад.