ДУШАНБЕ, 18 дек — Sputnik. Тибқи иттилои дафтари матбуоти раиси Суғд, бинои нави маъмурии додситонии вилоят дар маҳаллаи Навбаҳори шаҳри Хуҷанд бунёд мегардад.
Манбаъ афзуд бинои нави додситонии вилояти Суғд дар масоҳати 0,50 гектар бунёд гардида, як адад бинои маъмурии 7 ошёна ва як бинои 3 ошёнаи хизматрасониро дар бар мегирад.
Аҳмадзода зимни гузоштани санги асос изҳор дошт, ки бахшида ба 30 - солагии Истиқлолияти давлатӣ дар вилоят беш аз 6000 иншооти таъиноти гуногун сохта ба истифода дода мешавад.
Ӯ афзуд, ки дар ин раванд садҳо ҷойҳои нави корӣ таъсис ва шароити арзанда ба мардум муҳайё мегардад.
Дар ояндаи наздик барои кормандони прокуратураи вилоят дар ин мавзеъ бинои истиқоматӣ низ сохта мешавад.