ДУШАНБЕ, 15 дек — Sputnik. Бино бар иттилои хабаргузории "Парс тудэй" Шариф Раҳимзода, вакили тоҷик гуфтааст, ки барои таъмини рушди иқтисодӣ ва илмии Тоҷикистон дар оянда коҳиши соатҳои омӯзиши улуми иҷтимоӣ ва афзоиши соати таълими илмҳои дақиқ зарурат дорад.
Вай таъкид кардааст, ки дар Тоҷикистон беш аз ҳад ба шеъру адаб, ҳунар ва фарҳанг таваҷҷуҳ мекунанд ва дар мавриди омӯзиши илмҳои дақиқ, риёзӣ, химия ва физика камкорӣ мешавад.
Раиси Кумитаи умури иқтисодӣ ва молии Маҷлиси намояндагони Тоҷикистон афзуд: 70 дарсади рисолаҳои докторӣ дар Тоҷикистон ба масоили фарҳангӣ-иҷтимоӣ ихтисос дорад ва замони он расидааст, ки дар ин замина бознигарӣ шавад.
Раҳимзода бо таъкид бар аҳамияти ифтихор ба гузаштаи фарҳангӣ ва адабӣ гуфт: Таваҷҷуҳи беш азандоза ба шеъру адаб ва баргузории маҳфилҳои фарҳангӣ ва консерту рақс ва аҳамият надодан ба улуми дақиқ барои ояндаи Тоҷикистон хушоянд нест.
Шариф Раҳимзода бо ишора ба 5 соли зиндагиаш дар Аврупо афзуд: Аврупоиён бо алоқа ба ёдгирии улум ва фанновариаҳои ҷадид аз кишварҳои осиёӣ солҳо пеш афтодаанд.