ДУШАНБЕ, 6 дек — Sputnik. Бино ба иттилои вазорати кишоварзии Тоҷикистон, то имрӯз кишвар бештар аз 90 дар сади нақшаи ҷамъоварии пахтаро иҷро кард.
Бино бар иттилои манбаъ, дар навоҳии ҷанубии кишвар мавсими ҷамъоварии пахта дар поёни моҳи август оғоз шуда буд.
"Дар вилояти Хатлон то ба ҳол беш аз 200,6 ҳазор тонна пахта бардоштанд, ки 80,2 дарсади ҳаҷми барномарезишади соли ҷорӣ мебошад. Дар вилояти Суғд ва ноҳияҳои тобеъи ҷумҳурӣ 111,5 ҳазор (111,5 дарсад) ва 11,4 ҳазор (131,4 дарсад) тонна пахта ҷамъоварӣ шуд", - гуфта мешавад дар иттилои манбаъ.
То ба имрӯз ноҳияҳои Шаҳринав, Рӯдакӣ, Ашт, Данғара ва шаҳри Ҳисор барномаи ҷамъоварии панбаро анҷом доданд.
Имсол дар 185 ҳазору 817 ҳектор киштзори Тоҷикистон пахта кишта шуда буд.