ДУШАНБЕ, 28 ноя — Sputnik. Бино ба иттилои дафтари матбуоти парлумони Тоҷикистон, имрӯз як гурӯҳ вакилони Маҷлиси намояндагони Маҷлиси Олии Тоҷикистон барои иштирок дар ҷаласаи ҳафтуми Кумитаи ҳамкории байнипарлумонии Тоҷикистон-Иттиҳоди Аврупо ва мулоқоти гурӯҳҳои дӯстии парлумонҳои Тоҷикистону Белгия ба шаҳри Брюссел сафар карданд.
Ба иттилои манбаъ, сафари ҳайати вакилони Парлумони мамлакат таҳти роҳбарии раиси кумитаи Маҷлиси намояндагон доир ба иқтисод ва молия Шариф Раҳимзода бо даъвати парлумонҳои Аврупо ва Шоҳигарии Белгия сурат гирифт.
Сафари мазкур то 1 декабри соли равон идома хоҳад ёфт.
Инчунин ба ҳайати мазкур раиси кумитаи Маҷлиси намояндагон доир ба тартиботи ҳуқуқӣ, мудофиа ва амният Ҷурахон Маҷидзода, вакилон Насиба Содиқова, Ҳоким Холиқзода, Ҷаббор Ахмедов ва Шарофиддин Сироҷов шомил мебошанд.