ДУШАНБЕ, 17 ноя — Sputnik. Вазорати умури дохилаи Тоҷикистон аз ҳодисаи нохуши нақлиётии шоми 16-уми ноябр дар шаҳри Исфара хабар додааст. Мутаассифона дар пайи ин ҳодиса мактабхоне ба ҳалокат расидааст.
Бино бар иттилои манбаъ, 16-уми ноябр, тахминан соати 16:20-дақиқа, ронандаи автомашинаи тамғаи “Опел-Астра”, Зоиров Ҳамидулло Ҳусейнович, соли таваллудаш 1992,, ҳангоми ҳаракат дар дохили шаҳри мазкур, аз ӯҳдаи идораи воситаи нақлиёт набаромадаааст.
Ӯ пиёдагарди ноболиғ, Абдурауфов Маҳмадюсуф Обидович, соли таваллудаш 2010, хонандаи синфи 1-уми МТМУ №28, сокини ҷамоати деҳоти Чоркӯҳро пахш намудааст, меафзояд манбаъ.
Дар натиҷа, пиёдагарди ноболиғ Абдурауфов М.О. ҷароҳати вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодиса таҳқиқот идома дорад.