ДУШАНБЕ, 13 ноя — Sputnik. Ба иттилои расонаҳо, дар Тоҷикистон 12 нафар пайравони гурӯҳи террористии ДОИШ дастгир шудаанд, ки мехостанд бо супориши гурӯҳи террористӣ дар пойгоҳи низомии 201-уми Русия дар Душанбе ҳамлаи террористӣ анҷом диҳанд.
Ба иттилои ТоҷикТА, муттаҳамонро мақомоти амниятии кишвар 4 ноябр дастгир карда буданд.
"Гурӯҳи мазкурро 4-уми ноябр дастгир карданд. Ин гурӯҳро Сӯҳроб ном ҷавоне аз ноҳияи Ваҳдат роҳбарӣ мекардааст. Ӯ пештар дар Қирғизистону Эрон қарор дошта, сипас ба воситаи марзи Туркия ба Сирия гузашта, дар амалиётҳои ҷангии ДОИШ ширкат варзидааст", - менависад манбаъ.
Тафсилоти бештари ҳодиса хабар дода намешавад.