Тибқи иттилои дафтари матбуоти раисиҷумҳури Тоҷикистон, мақсади сафари Эмомалӣ Раҳмон шиносоӣ бо вазъи зиндагии мардум, ҷараёни корҳои ободонию созандагӣ, ифтитоҳи як қатор иншооти муҳим ва суҳбату мулоқот бо сокинон мебошад.
Эмомалӣ Раҳмон, зимни сафари кориаш ба вилояти Суғд роҳҳову иншоотҳои навро ифтитоҳ намуд.
Раисҷумҳури Тоҷикистон дар ноҳияи Бобоҷон Ғафуров дар Қасри Арбоб дар тантанаҳои Фестивали "Оши палав", "Иди асалу харбуза" ва "Шириниҳои миллӣ" иштирок кард
Дар Қасри Арбоб ба пешвози раисҷумҳур Эмомалӣ Раҳмон тантанаҳои идона баргузор карда шуд.
Дар даври ниҳоии Фестивали "Оши палав" баргузор гардид, ки дар он беҳтарин ошпазҳои шаҳру ноҳияҳои вилоят иштирок намуда, дар 30 дег таоми миллии мардуми тоҷик- оши палавро омода карданд.
Ошпазони моҳир аз шаҳру ноҳияҳои Хуҷанд, Истаравшан, Панҷакент, Исфара, Гулистон, Бӯстон, Ашт, Истиқлол, Бобоҷон Ғафуров, Айнӣ, Деваштич, Шаҳристон, Спитамен, Конибодом, Мастчоҳ, Ҷаббор Расулов ва Зафаробод ҳунари волои худро муаррифӣ карданд.