ДУШАНБЕ, 16 окт — Sputnik. Тавре шаҳрдории Душанбе хабар додааст, дар пойтахт ҳаракати воситаҳои нақлиёт аз болои пули мошингарди кӯчаи Ғуломов муваққатан қатъ мешавад.
Роҳбандӣ дар ин қитъаи роҳ аз имрӯз, 16 октябр оғоз ёфта, то 10 ноябр идома хоҳад кард.
"Бинобар гузаронидани корҳои таъмиру навсозии пули мошингарди кӯчаи А.Ғуломови ноҳияи Синои шаҳри Душанбе (Автовокзал), шурӯъ аз имрӯз, 16 октябр то 10 ноябри соли равон ҳаракати ҳама гуна воситаҳои нақлиёт аз болои пули мазкур қатъ мегардад", - гуфта мешавад дар иттилои манбаъ.
Ҳаракати воситаҳои нақлиёти мусофирбари хатсайрҳои микроавтобусҳои рақамҳои 10,12,19,35 ва 53 тавассути кӯчаҳои Н.Ҳувайдуллоев ва Раҳимӣ ба роҳ монда мешавад.