ДУШАНБЕ, 26 сен - Sputnik. Бино ба иттилои дафтари матбуоти вилояти Суғд, қарори Раҷаббой Аҳмадзода дар бораи таъсис додани Шӯрои рушди технологияҳои нав дар назди Раиси вилояти Суғд 25 сентябри соли равон ба тасвиб расид.
“Шӯрои рушди технологияҳои нав бо мақсади рушду инкишофи ташаббускорӣ, ҳавасмандии фаъолияти ихтироъкориву навоварӣ, дарёфти истеъдодҳо дар соҳаи илм, истеҳсолот ва таъмини минбаъдаи пешрафти соҳаҳои иҷтимоиёт ва иқтисодиёти вилоят таъсис дода мешавад”, -таъкид кардааст манбаъ.
Инчунин ба гуфтаи манбаъ, тибқи қарори мазкур дар ҳайати Шӯрои рушди технологияҳои нав муовинони Раиси вилоят, мудирону сардорони шуъбаву раёсатҳои мақомоти иҷроияи ҳокимияти давлатии вилоят, роҳбарони муассисаҳои олӣ ва олимон шомил мешаванд.
Раёсати Шӯро бар души Раиси вилоят вогузор карда шудааст.