ДУШАНБЕ, 7 сен — Sputnik. Тибқи иттилои Вазорати умури дохилии Тоҷикистон, Иқрориддини Қодирқул дар роҳи Айнӣ — Панҷакент аз бордони мошини "Хундай-Портер" афтида, дар ҷои ҳодиса ба ҳалокат расидааст.
"Ронанда Шарофов Файзрух, сокини 30-солаи ҷамоати деҳоти Урметани ноҳияи Айнӣ, ҳангоми ҳаракат дар ҳудуди ҷамоат қоидаҳои ҳаракати роҳро риоя накардааст, ки дар натиҷа Иқрориддин Қодирқул аз бордон ба замин афтидаст", — омадааст дар иттилоия.
ВУД таъкид кард, ки феълан таҳқиқи ин ҳодиса идома дорад.