ДУШАНБЕ, 6 июн — Sputnik. Вазорати умури дохилаи Тоҷикистон хабар додааст, ки дар шаҳри Душанбе вакили дурӯғие дастгир гардид.
Бино бар иттилои манбаъ, марди муттаҳам-сокини 34-солаи ноҳияи Восеъ қаблан бо моддаи 247 Кодекси ҷиноии Тоҷикистон суд шудааст.
"Ӯ моҳи декабри соли 2017 ба боварии марди 68-солаи сокини маҳаллаи Испечаки ноҳияи Сино даромада, худро ҳамчун ҳимоятгар (адвокат) муарифӣ карда, барои аз ҷавобгарӣ озод намудани бародараш аз ӯ 20000-доллари амрикоӣ талаб карда гирифта, то ҳол ваъдаашро иҷро накардааст",- гуфта мешавад дар иттилои манбаъ.
Нисбати номбурда парвандаи ҷиноятӣ мутобиқи моддаи 247 қисми 4 Кодекси ҷиноятии Ҷумҳурии Тоҷикистон оғоз гардида, тафтишот идома дорад.