Рӯзи нӯҳуми май дар кӯчаи марказии Маскав ба муносибати таҷлили 73-солагии Рӯзи Пирӯзӣ наздики ҳазор тоҷик ҷамъ омада, то майдони Сурх роҳпаймоӣ карданд.
Ҳамаи онҳо дар даст аксҳои хешовандон-бобоён, бибиҳо, падарону модаронро, ки қаҳрамонона дар ҶБВ ҷангидаанд бо ифтихор бардошта, дар кӯчаҳои марказии Маскав қадам мезаданд.
Ҷавонон бо қувваи пурра аксҳои қаҳрамононро баланд мебардоштанд, то ҳама қаҳрамонони Тоҷикистонро бубинад.
Қатори тоҷикони Маскав аз дурӣ намоён буд. Ҷавонону кӯдакон ҳама бо либоси миллӣ ва тоқиҳо ба ҷашн омада буданд. Дар болои сари тоҷикон парчами серанга-сафед, сабз ва сурх парафшонӣ мекард.
Дар қатори аввал бонувон қадам мезаданд. Мардум бо иҷрои сурудҳои машҳур-"Катюша", "Рӯзи Ғалаба" ва ғайраҳо роҳ мепаймуданд. Албатта бе сурудҳои тоҷикӣ ҳам роҳпаймоии тоҷикони Маскав нагузашт.
Тоҷикон бо қатори худ аз назди метрои "Белорусская" то майдони Сурх қадам заданд. Мардум ҳамдигарро бо Рӯзи Пирӯзӣ табрик мегуфтанд.
"Ҳанги ҷовидон"-и тоҷикони Маскавро дар гузориши аксии Sputnik Тоҷикистон тамошо кунед.