Дониш биҷӯй: дар Душанбе намоишгоҳи таҳсилотии Русия ифтитоҳ шуд

Дар Душанбе аз 12 то 14 апрел дар Донишгоҳи кишварзӣ, Намоишгоҳи ҳафтуми байналмилалии таҳсилотии "Маорифи Русия: Душанбе-2018" баргузор мешавад.

Хоҳишмандон метавонанд бо барномаҳои таҳсилотии донишгоҳҳои Русия аз наздик ошно шаванд.

Дар умум барои намоиши таҳсилотӣ ба Душанбе 35 намояндагони донишгоҳҳои пешсафи Русия омадааст.

Дар ин намоишгоҳ касбҳо ва бахшҳои гуногуни таҳсилоти донишгоҳҳои Русия ба намоиш гузошта шудааст. Ҳар хонанда метавонад мувофиқи касби интихобнамуда, донишгоҳро интихоб кунад.

Ширкаткунандагони намоишгоҳ имкони хубе барои ошно шудан бо шароити буду бош ва таҳсилот дар Русия дошта, аз забони худи намояндагони ин донишгоҳҳо, ба саволҳояшон посух бигиранд.

Ҳамчунин дар ин намоишгоҳ довталабон метавонанд бо номгӯи ҳуҷҷатҳое, ки барои дохил шудан ба ин ё он донишгоҳи Русия лозим аст, ошно шаванд.

1 / 11

Дар Душанбе Намоишгоҳи ҳафтуми байналмилалии таҳсилотии "Маорифи Русия: Душанбе-2018" ифтитоҳ шуд.

2 / 11

Дар намоишгоҳи таҳсилотӣ, 30 донишгоҳи шаҳрҳои гуногуни Русия ширкат мекунанд.

3 / 11

Дар ин намоишгоҳ на фақат донишгоҳҳои пойтахти Русия, балки дигар шаҳру навоҳии ин кишвар ширкат мекунанд.

4 / 11

Донишомӯзон бо кунҷковӣ ба намояндагони донишгоҳҳо дар бораи ихтисосҳо ва шароити буду бош саволҳо медиҳанд.

5 / 11

Дар ҳар плакат, маълумоти пуррае дар бораи ин ё он факулта, ҷойҳои буҷавӣ ва шартномавӣ, баллҳои гузариш ҷой дода шудааст.

6 / 11

Дар баробари донишгоҳҳои Русия дар ин намоишгоҳ филиали донишгоҳҳои бонуфузи Русия дар Тоҷикистон- МГУ, МЭИ, МИСИС ва ғайраҳо ширкат мекунанд.

7 / 11

Ихтисосҳо барои интихоби донишомӯзони тоҷик зиёданд: оғоз аз иқтисод ва ҳуқуқшиносӣ то итисосҳои кайҳонавардӣ ва табиатшиносӣ.

8 / 11

Ин намоишгоҳро Вазорати маорифи Тоҷикистон ва намояндагии "Россотрудничества" ташкил кардаанд.

9 / 11

Ҳадафи баргузории намоишгоҳи таҳсилотӣ ошноии донишомӯзони тоҷик бо шароиити таҳсилот ва буду бош дар донишгоҳҳои Русия мебошад.

10 / 11

Донишҷӯёни оянда натанҳо ба номгӯи ихтисосҳо дар ин ё он донишгоҳ, балки ба шароити буду бош дар хобгоҳҳо ҳам таваҷҷуҳ доранд.

11 / 11

Пас аз Душанбе намоишгоҳи таҳсилотӣ дар шаҳрҳои Хуҷанд, Бохтар ва Кӯлоб баргузор хоҳад шуд.