Сокинони Душанбе ба Сафорати Русия гул ва бозича оварданд. Ба он нигоҳ накарда, ки ҳоло роҳ маҳкам аст ва ба Сафорат ворид шудан мушкил аст, мардум барои гиромидошти қурбониёни сӯхтори мудҳиш дар Кемерово ба назди Сафорати Русия дар Душанбе меоянд.
Сокинони Душанбе чун нишонаи таслият ба сафорат гул, бозича ва ёддоштҳои хурдакак меоранд.
"Кемерово, "Зимняя вишня" 25.03.2018 Тоҷикистон ҳамдард аст", —навишта шудааст дар яке аз ёддоштҳое, ки бо хирсаки хурдакак якҷо гузошта шудааст.
Рӯзи якшанбе, 25 март дар маркази савдои "Зимняя вишня" дар Кемерово сӯхтори бузурге рух дод.
Аз рӯи далели сӯхтор парвандаи ҷиноӣ аз рӯи чанд моддаи Кодекси ҷиноии Русия боз шудааст.
Коршиносон мегӯянд, ки сабаби сӯхтор сифати пасти маводҳои сохтмонӣ шудааст.
Аз рӯи шумораи қурбониён сӯхтори Кемерово яке аз бузургтарин дар 100 сол аст. Дар баробари он сӯхтор дар меҳмонхонаи "Русия" дар Маскав (соли 1977, 42 қурбонӣ), дар хобгоҳи РУДН дар Маскав (соли 2003, 44 қурбонӣ), дар хонаи кӯҳансолон дар Краснодар (соли 2007, 63 қурбонӣ), дар клуби "Хромая лошад" дар Перм (соли 2009, 153 қурбонӣ) ва дар хонаи кӯдакони бемор дар вилояти Новгород (соли 2013, 37 қурбонӣ) аз бузургтаринҳо дониста мешаванд.