ДУШАНБЕ, 22 мар — Sputnik. Бино бар иттилои дафтари матбуотии Вазорати умури дохилаи Тоҷикистон, 19-уми марти соли равон истиқоматкунандаи кучаи Гипрозем, шаҳрванд Адолат Усмонова ба шӯъбаи Вазорати корҳои дохилии №1-и ноҳияи Сино муроҷиат карда, шикоят кардааст, ки шахси номаълуме ҷавоҳиротҳои тиллоияшро дуздидааст.
Ҷабрдида гуфтааст, қимати ҷавоҳиротҳои тиллоӣ наздики 4 ҳазору 500 сомониро ташкил медод, ки аз манзили истиқоматиаш рабуданд.
"Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони ШВКД №1-и ноҳияи Сино, шаҳрванди 20 солаи истиқоматкунандаи кучаи Гипрозем Ганҷина Тағоева ҳамчун гумонбар дар содир намудани ҷинояти мазкур дастгир карда шуд", — меаязояд манбаъ.
Оид ба ҷинояти мазкур парванда оғоз карда шуда тафтишот идома дорад.