ДУШАНБЕ, 19 мар — Sputntik. Дар Душанбешаҳр мавсими гармидиҳӣ ба итмом расид, иттилоъ медиҳад ТоҷикТА.
"Дар шаҳри Душанбе мавсими гармидиҳӣ ба итмом расид. Фаъолияти нерӯгоҳҳои барқии гармодиҳии Душанбе қатъ карда шуд", - хабар доданд дар бахши энержии кишвар.
Мавсими гармидиҳӣ аз даҳаи сеюми октябри соли гузашта оғоз ёфта, 16 марти соли равон ба поён расид. Энержии гармо тавассути ду иқтидор — Марказҳои Барқии Гармидиҳии Душанбе-1 ва Душанбе-2 тавлид мешуд.
Тибқи маълумоти мутахассисони соҳаи барқи Тоҷикистон, нақши муҳимро дар кори гармидиҳӣ Маркази Барқии Гармидиҳии Душанбе-2 бозӣ кардааст. Он (дар давраи тирамоҳу зимистон) 12-15%-и маҷмӯи умумии нерӯи барқи Тоҷикистонро истеҳсол намудааст.
Коркарди шабонарӯзии Маркази Барқи Гармидиҳии Душанбе-2 аз 7,5 млн кВт/соат то 9 млн кВт/соатро ташкил медод, албатта, вобаста ба ариза ва эҳтиёҷоти аҳолии пойтахт.
Барои мисол, дар фасли зимистон шабонарӯзӣ дар кишвар то 60 млн кВт/соат нерӯи барқ истеҳсол шудааст, ки аз 12 то 15%-и онро нерӯи тавлидкардаи Маркази Барқии Гармидиҳии Душанбе-2 ташкил медиҳад.