ДУШАНБЕ, 24 фев — Sputnik.Имрӯз, 24 феврал дар вилояти Суғд ҳаво абрноки бебориш буда, шамол аз самти шарқ 3-8 метр дар як сония мевазад. Ҳаво дар водиҳо шабона 5-7 дараҷа ва рӯзона 10-12 дараҷа гарм хоҳад шуд.
Ба иттилои Агентӣ, дар Вилояти Мухтори Кӯҳистони Бадахшон ҳавои абрноки тағйирёбанда ва бориши борон пешгӯӣ шудааст. Ҳаво шабона —5-3 дараҷа сард ва рӯзона +3+5 дараҷа гарм хоҳад шуд.
Дар вилояти Хатлон ҳаво тағйирёбандаи бебориш шуда, шамол аз самти шарқ шабона 3-8 метр дар як сония мевазад. Ҳарорат шабона +8+10 ва рӯзона +14+16 дараҷа гарм мешавад.
Дар шаҳру ноҳияҳои тобеи марказ ва шаҳри Душанбе ҳавои абрнок пешбинӣ шуда, дар нимаи рӯз боридани борон дар назар аст. Ҳаво шабона +6+8 ва рӯзона +12+14 дараҷа гарм мешавад.