ДУШАНБЕ, 7 апр — Sputnik. Бонки миллии Тоҷикистон арзиши сомониро нисбат ба асъор эълон кард. Пули миллӣ дар баробарои рубли русӣ ба таври қобили мулоҳиза тақвият ёфтааст.
Тибқи нишондоди ин ниҳод ҳоло 1000 рубл 135 сомонӣ арзиш дошта, нисбат ба як рӯзи қаблӣ 2 сомонӣ поин рафтааст.
Ҳамин тариқ, асъори русӣ сар аз оғози ҳафта устувориро аз даст дода, ҳамарӯза аз як то ду сомонӣ коҳиш меёбад.
Асъори аврупоиӣ низ каме коҳиш ёфтааст. Тибқи иттилои Бонки миллӣ дар бозори арз барои як евро 11.8877 сомонӣ медиҳанд. Як рӯз пеш як евро ба 11.9638 сомонӣ баробар буд.
Дар ҳамин ҳол доллари амрикоӣ бомурур майли гароншавӣ дорад.
Тибқи иттилои Бонки миллӣ дар бозори арз барои як доллар 10.9142 сомонӣ медиҳанд. Қаблан як доллар ба 10.9139 сомонӣ баробар буд.
Бонки миллии Тоҷикистон ҳамчунин нархи миёнаи харидуфурӯши пулҳои хориҷиро дар ташкилотҳои қарзии кишвар ироа намудаст.
Ба иттилои ин ниҳод, 1 доллари ИМА аз 10.9142 то 10.9400 сомонӣ, 1 евро аз 11.8877 то 12.2000 сомонӣ, 1 рубли русӣ аз 135 то 138 сомонӣ харидуфурӯш мешавад.
БМТ ҳушдор додаст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Таъкид шудааст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад.