ДУШАНБЕ, 6 апр - Sputnik. Дар Тоҷикистон қурби расмии рубл нисбат ба сомонӣ, ки чанд рӯзи қаблӣ аз марзи 150 боло буд, тағйир ёфтааст. Тақвияти қурби сомонӣ дар муқобили пули русӣ идома дорад.
Бонки миллӣ арзиши як рублро барои имрӯз 0.1477 муқаррар кардааст.
Ҳамин тариқ, асъори русӣ дар Тоҷикистон дар ҳолати шинокунанда қарор гирифта, коҳиш меёбад ва сипас аз рӯи нишондиҳандаҳо боз меафзояд.
Ҳамин тавр, имрӯз як доллар бошад 11.3195 сомонӣ арзиш дорад. Бояд гуфт, ки пули "амрикоӣ" дар Тоҷикистон аз нимаи моҳи март рӯ ба афзоиш ниҳодааст. Он аз моҳи ноябри соли 2020 бетағйир буд. Коршиносон низ қаблан пешгӯӣ карда буданд, ки асъори амрикоӣ дар охири моҳи март пас аз поинравӣ дубора боло меравад.
Имрӯз як евро дар Тоҷикистон 13.3366 сомонӣ арзиш дорад. Ин асъори хориҷӣ аз аввали соли 2021 пас аз якбора боло рафтан то ба сатҳи 13.2930 поин омад, аммо тайи як ҳафтаи охир майли гаронӣ дорад.
Қурби ҳаррӯзаи БМТ бо мақсади баҳисобгирӣ ва пардохти боҷҳои гумрукӣ дар кишвар муқаррар карда мешавад.
Бонки Миллӣ ҳушдор медиҳад, ки амалиёти асъорӣ берун аз филиалҳо, офисҳои марказҳои хидматрасонии бонкҳо, инчунин банкоматҳо ва терминалҳо манъ аст.
Риоя накардани ин талабот дар Тоҷикистон ҷиноят ҳисобида мешавад ва ҷинояткор ба ҷавобгарии маъмурӣ ва ҷиноятӣ кашида мешавад.