https://sputnik.tj/20220524/tobut-shahrvandoi-qirghiziston-rusiya-roygon-1048666366.html
Ҷасадҳои шаҳрвандони Қирғизистон аз Русия ройгон мунтақил мешаванд
Ҷасадҳои шаҳрвандони Қирғизистон аз Русия ройгон мунтақил мешаванд
Sputnik Тоҷикистон
Тибқи як созишномаи ҳосилшуда миёни ҳукумати Русия ва Қирғизистон, ҳамакнун аз чандин шаҳр тобути шаҳрвандони қирғиз ройгон фиристода мешавад
2022-05-24T14:10+0500
2022-05-24T14:10+0500
2022-05-24T16:16+0500
қирғизистон
дар русия
иҷтимоъ
https://cdnn1.img.sputnik.tj/img/103128/69/1031286965_0:160:3073:1888_1920x0_80_0_0_e664bf519127734b9649b0e651e9c761.jpg
ДУШАНБЕ, 24 май – Sputnik. Ширкати ҳавопаймоии "Уралский авиалинии" муваззаф шудааст, ки аз ин баъд аз чандин шаҳри ин кишвар тобути шаҳрвандони фавтидаи Қирғизистон дар Русияро ба таври ройгон ба Ватанашон интиқол диҳад.Дар ин бора Sputnik Қирғизистон бо истинод ба дафтари матбуотии сафорати Қирғизистон дар Русия хабар дод.Ба иттилои манбаъ, ин сабукӣ зимни як созишномае, ки миёни ҳукуматҳои Русия ва Қирғизистон тасвиб шуд, имконпазир гаштааст.Зикр гардид, ки тибқи ин созишнома, ҳамакнун тобути шаҳрвандони фавтидаи Қирғизистон дар Русия аз Челябинск, Уфа, Нижневартовск, Қазон, Сочи ба Ӯш ройгон интиқол дода мешавад.Ҳамчунин ширкати мазкур тобути шаҳрвандони Қирғизистонро аз Сочи ва Самара ба шаҳри Бишкек низ бурда мерасонад.Ба таъкиди манбаъ, нафаре, ки "Груз- 200"-ро ба Қирғизистон мефиристад, бояд хароҷоти фурудгоҳро пардохт кунад.Маврид ба зикр аст, ки қаблан бо дастури Эмомалӣ Раҳмон, раисҷумҳури Тоҷикистон, тобути фавтидаи шаҳрвандони кишвар дар Русия аз сӯйи ширкати "Тоҷик эйр" ройгон оварда мешуд. Аммо пас аз варшикаста шудани ин ширкат ҳамакнун "Сомон эйр" тобути тоҷикистониёнро ба Ватан интиқол медиҳад.Ба иттилои мақомоти муҳоҷиратии Тоҷикистон, соли 2021 дар хориҷи кишвар ҳудуди 950 тоҷикистонӣ фавтидааст. Омилҳои фавт гуногун - аз беморӣ то ҳолатҳои нохушу риоя накардани қоидаҳои бехатарӣ арзёбӣ мешаванд.
https://sputnik.tj/20220213/dafn-muhojir-hisobi-noibi-vazir-fahmond--1045804772.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
қирғизистон тобут русия ройгон
қирғизистон тобут русия ройгон
Ҷасадҳои шаҳрвандони Қирғизистон аз Русия ройгон мунтақил мешаванд
14:10 24.05.2022 (Навсозишуда: 16:16 24.05.2022) Тибқи як созишномаи ҳосилшуда миёни Ҳукумати Русия ва Қирғизистон, ҳамакнун аз чандин шаҳр тобути шаҳрвандони кишвари дувумӣ ройгон фиристода мешавад
ДУШАНБЕ, 24 май – Sputnik. Ширкати ҳавопаймоии "Уралский авиалинии" муваззаф шудааст, ки аз ин баъд аз чандин шаҳри ин кишвар тобути шаҳрвандони фавтидаи Қирғизистон дар Русияро ба таври ройгон ба Ватанашон интиқол диҳад.
Дар ин бора Sputnik Қирғизистон бо истинод ба дафтари матбуотии сафорати Қирғизистон дар Русия хабар дод.
Ба иттилои манбаъ, ин сабукӣ зимни як созишномае, ки миёни ҳукуматҳои Русия ва Қирғизистон тасвиб шуд, имконпазир гаштааст.
Зикр гардид, ки тибқи ин созишнома, ҳамакнун тобути шаҳрвандони фавтидаи Қирғизистон дар Русия аз Челябинск, Уфа, Нижневартовск, Қазон, Сочи ба Ӯш ройгон интиқол дода мешавад.
Ҳамчунин ширкати мазкур тобути шаҳрвандони Қирғизистонро аз Сочи ва Самара ба шаҳри Бишкек низ бурда мерасонад.
Ба таъкиди манбаъ, нафаре, ки "Груз- 200"-ро ба Қирғизистон мефиристад, бояд хароҷоти фурудгоҳро пардохт кунад.
Маврид ба зикр аст, ки қаблан бо дастури Эмомалӣ Раҳмон, раисҷумҳури Тоҷикистон, тобути фавтидаи шаҳрвандони кишвар дар Русия аз сӯйи ширкати "Тоҷик эйр" ройгон оварда мешуд. Аммо пас аз варшикаста шудани ин ширкат ҳамакнун "Сомон эйр" тобути тоҷикистониёнро ба Ватан интиқол медиҳад.
Ба иттилои мақомоти муҳоҷиратии Тоҷикистон, соли 2021 дар хориҷи кишвар ҳудуди 950 тоҷикистонӣ фавтидааст. Омилҳои фавт гуногун - аз беморӣ то ҳолатҳои нохушу риоя накардани қоидаҳои бехатарӣ арзёбӣ мешаванд.
